نقطة ومن اول السطر

طيب من الواضح اننا رجعنا للصفر تاني من مكان ما بداءنا نلتزم بدين ربنا او قبل البدايه كمان :/ رجعنا كتيير اوووي يا نور مش واخده بالك !! الفجر اللي ككنت بتصحي قبله تقيمي الليل دلوقتي بتصحيله بالعافيه ده اذا صحيتي اساسا !!! الاذكار!! وردك !والنوافل والصيام !! برنامج المسلمه اليومي ! عدم قدرتك في الثبات علي لبس النقاب كان بدايه التهاون .. مش هتكلم كتير ف الموضوع بس اللي عاوزاك تفهميه ان ملكيش مبرر قدامي غير انك كنت ضعيفه جداا ولو هتلومي حد متلوميش الا نفسك عشان لو كنت قويه كفايه مكنش حد اثر عليكي ولا ارهقك نفسيا كدا واللي مكانش حابب يتقبلك بكل ما فيكي ويحتويك بكل تفكيرك كان اعتزلك وبعد وسابك ف حالك او سبتيه او سبتيهم واعتزلتيهم وتفري لله ! حالك مش عاجبني ابداااا مش عاجبني حالك مع ربنا ! حاجه تاني المفروض ان الزواج رزق وانت متاكده من ده !! دلوقتي سؤال حاسه ان خطيبك رزق ونعمه فعلاا ولا فتنه !! !! الاستهبال اللي حصل ده من بعد الخوبه او يمكن من قبلها كمان ازاي رد فعلك كان بارد كدااا ازاي مخدتيش موقف منه ااي مفكرتيش مره واتنين ومليووون ان ممككن ميكونش هو ده الشخص اللي هياخدك للجنه ! نور هو انت نور بجد ؟؟! انت انا !! انت ككنت مضروبه علي دماغكك طيب كنت ف وعيك !! عارفه انك دلوقتي اتنيلتي علي عينكك وميلتي ليه ويمككن حبتيه بس الحب ده لو هيفضل يضعف فيكي ويخلي حياتك مستنقع تنالات رخيصه ف بلاه .. انت عارفه خونتي مين مش ابوكي بس لا خنتي اللي خلقك "وتحسبونه هينا وهو عند الله عظيم اياك ثم اياك ثم اياك ان تحقري من حجم ذنب بصي بتذنبي ف حق مين يا نوور .. نور انت مش بس بعدتي انت دخلتي ف صحيفتك ذنوب جديده من نوعها ! اللي بيحب حد بيخاف عليه من الاخره مش من الدنيا مش ده كلامك اللي صدعتيني بيه !! حبتيه ؟!! فين خوفك عليه من اللي هو بيعمله من كلامك وكلامه معاكي وهو لسه اجنبي عنك ! مش عاوزة اقولك وهو فين خوفه عليكي لاني عارفه انكك اساسا مش واثقه ف حبه ليكي بس فرضا ان بيحبك فين خوفه عليكي من نفسه ! خدي عهد علي نفسك ان اولا كلامك معاه بحدود ومتسمحيلوش انه يتجاوز ف كلامه معاكي الككلمه اللي ميقدرش يقولهالك قدام بابا ميقولهاش من وراه عشان فين ربنا اللي مفروض نحترمه ونعظمه ونهابه اكتر من البني ادمين ! ولا ايه ؟ ثانيا لو حاول انه يلمسك يمسك ايديك اي حاجه زي كدا .. متكمليش معاه متكمليش معاه متكمليش ! معاه ولو كانت روحك فيه ومتديش الفرصه ان تحصل حاجه زي دي وريني قوت بقي ف انك تتمسكي باللي باقي من التزامكك بعد خلعك للنقاب وريني قوتك علي قلبك ف ان اهوائه مش هي اللي هتتحكم فيكي . نقطة ومن اول السطر اعتبري ان انهارده اول يوم قررتي تلتزمي فيه وتقربي من ربنا واحده واحده زي ما بدائنا اقلعي عن كل ذنب تووبي من كل الذنوب حتي اللي توبتي عنها قبل كده جددي التوبه وجددي العهد مع ربنا . صلاتك في مواعيدها خاصه الفجر + ورد تلاوة القران يرجع + اذكار الصباح والمساء +ورد الاستغفار والذكر مؤقتا لحد اما نخلص امتحانات دي البدايه ... هيوصلك الجواب ده اخر يوم ف الامتحانات تطمنيني انك ثابته ع الكلام اللي فوق ومستمره عليه ومفوتيش منه حاجه عشان نذود النوافل والصيام وورد الحفظ ونرجع للمعلمه والتطوع والعلم الشرعي نور مش عيب ان الانسان يقع ويحيد عن الدرب بس عيييب اوي لما ربنا يبعتلك ف اشارات عشان ترجعي وتفضلي واقعه عيب جدا اقابلك بعد 20 يوم من دلوقتي ! انا الجزء اللي لسه صاحي فيكي .. انا الجزء اللي هفضل ول ما فيكي نفس احارب عشان انقذك يوم لا ينفع مال ولا بنون الا من اتي الله بقلب سليم ! يمكن انا الذره اللي لسه سليمه ف قلبك اتمسككي بيا وساعديني اكبر !