A letter from Jul 25, 2025

Dear FutureMe, بسم الله.. ملوكة حبيبة عيني، يمكن بنحاول حاليا، هنوصل متقلقيش! ملوكتي.. النهاردة 25/7/2025 وإنتِ قررتي تبعتي لنفسك رسالة توصلك بعد سنة مش عارفة دلوقتي إنتِ عاملة إزاي، بس أكيد عدى كتير... يمكن اتغيرتي، يمكن فضلتي شبه دلوقتي، ويمكن اتحققت حاجات كتير كنتِ بتحلمي بيها. دلوقتي وإنتي بتكتبي الرسالة، كنتِ تايهة جدًا ومش عارفه مين معاكِ ومين ضدك، بتحاولي ب اعز قوتك توصلي ل احلامك، انتِ دلوقتي اكتر واحدة بتحاول بشوفها يعيوني، فخورة بيكِ اذا كنا إن شاء الله وصلنا، او موصلناش، كلها خير افتكري كدة. --- كنتِ بتحلمي بـ… نحسن علاقتنا بربنا، تدخلي حاسبات ومعلومات، تبقي انسانة مكتفية بذاتها، بارة بوالديكِ، مستقبلك اهم حاجة. بتتمني بعد سنة تكوني… نسخة افضل، هادية، بخير، متفوقة. لو قريتي الرسالة دي دلوقتي، وكنتي وصلتي لحاجة حلوة: أنا فخورة بيكي جدًا. ولو لسه بتحاولي: أنا لسه فخورة بيكي أكتر علشان مكملتش الطريق نصه ووقفتيش. وما تنسيش إنك كنتِ دايمًا بتحبي ربنا، وبتدعي، وبتحاولي تعملي اللي يرضيه، ف كملي في طريقك مهما كان صعب. أحب أسيبلك سؤالين تجاوبي عليهم لما توصلك الرسالة: هل انتي دلوقتي أهدى من اللي بتكتب؟ هل يوسف لسه في حياتك وسوا؟ فخورة بيكِ فكل حالاتك، صحابك مش لازم يكونوا فاضليين معاكِ، المهم انتِ بخير ومرتاحة في وجودهم او عدمهم، وزي ما احنا حاليا.. مش بنحاول علشان حد، بنعيش اليوم بيومه يحبيبي، انتِ متستحقيش انك تتسابي في يوم من الأيام، مسكتِ فيهم كتير وانا اشهدلك، ممتنة لمحاولاتك يملوكة.