A letter from Feb 22, 2025

Dear Me, you need to hear this: عارفة انه عاشر كان صعب وعارفة انه ظروف البلد كانت تخليكي صافنة وبس عم بتفكري لقدام وايش رح يصير لو..... وايش وكمان بس عم بترسمي خطط للمستقبل ع قد ما كنت خايفة منه وماخد وسالب منك تفكيرك لدرجة انك صرتي عايشة فيه وضيعتي حياتك وصرتي عايشة بالخيال تبعك بس عهدا على نفسي انه رح اعمل خطة للسنة كاملة واكتب اليوم كل اشي نفسي فيه وبدي يتحقق وابلش انفذه وابذل قصارى جهدي اني الهّي حالي عن كل اشي خربني وحابة احكي لحالي كل عام وانت بخير كل سنة وحب وطنك وعقيدتك يمكن ويزيد،ربنا يقدرك على حمل الامانة وتكوني ذخر للوطن وللدين بمستقبلك دائما اخلصي نيتك وعملك لله وتقربي منه ارجووك ’ قوّي عقيدتك وقضيتك الاولى والاهم كما كانت وما زالت بالقراءة وبجميع الوسائل’ تغلبي على شهوتك وكوني مصدر ثقة لاهلك وللي حوولك والاهم لنفسك انك قوية وقادرة على حمل الامانة والمسؤولية دائما لا تتمادي في موضوع العلاقات ركزي على نفسك وما تهتمي لحكي الناس وزودي علمك بدينك وقضيتك واثبتي حبك للاقصى بتعلمك عنه وزيارته على قد ما بتقدري عارفة انه صعب وعارفة انه الوضوع بقهر بس لازم نصبر وقرانك ما اوصييك فقه وتفسير ما تتعبي حالك بالتفكير للمستقبل مادام ربنا موجود ومادام انت قاعدة عم بتسعي للمستقبل وحاطة خطة ببالك كوني واثقة لو ما زبطت خطتك وانت سعيتي اكيد خطة ربنا احسن لو مازبطت لانك ما سعيتي هون لازم تلومي حالك المهم اهتمي بصحتك وخففي اكل عشانك مش عشان الناس واهتمي لدراستك ومدرستك وما تتعلقي كتير بالصداقات لانه اخرتها علاقة ولكل بداية نهاية وكمان اوعك توقعي بالفخ تبع الحب لانه عارفة العواقب ومش ضروري احكيهم واوعك تحكي لفلان عن فلانه وتوقعي بينهم وخليكي زي غيمة مرت ولا ضرت ما تكتمي علمك وما تحقدي على حد وسامحي كل الناس وما تعملي مشاكل مع حد واحسبي حساب كل كلمة بتحكيها وكملي تحضري بودكاسدات للثقة بالنفس لانه صدقيني اذا استمريتي رح توصلي لاعلى مراحل ثقتك اللي انهزت بدون مبرر حاولي كثري طلعات واشغلي حالك وما تنعزلي بين 4 حيطان بدون اشي مفيد لانها بتكون خلوة وعواقبها وخيمة صح انا مريت بهالتجربة بس لاني كنت مشوشة ومدمرة وقررت اطلع منها من بعد 6 سنين وارجع اختم المدرسة باسمي اللامع والمعلمات والبنات اسمي يرسخ باذانهم حيح مريت بتشتت ومراهقة وتعب نفسي وفوضوية وحالة لا يرثى لها وعلاقات كارثية وكره لاشخاص وحكم واكتئاب وتنقل شخصيات واختلاف بيئات وكوني هادية وقبل ما تاخدي اي قرار بالحكي عدي لل 10 لانه ممكن بتسرعك تعملي كارثة وما تهتمي لنظرات الناس وكلامهم لانه انت لو بدك تقعدي تسمعي لفلانه وتنسي حالك رح تدمري يا ريماس،والقران واصلي على حفظه ما اوصيكي حاولي ارجعي ريماس الايجابية قبل 2020 وكمان شغلة ما تحكي للناس عن اشي بتكرهيه بحالك لانهم رح يعيبوا عليكي برضه وكمان لا تفتحي قلبك ولا تعيطي لفلان ولا تبكي عشان فلان تركك او اي حد انت مش عاجبتيه تحطي العيب فيكي انت عسل قمر مافي مثلك حبتين وكل اشي عشانك وعشان صحتك ونفسيتك صحيح ممكن يكون صعب بس انت الذكية بحالها كيف ممكن تستصعبي اشي واي اشي بدخل براسك رح تحققيه وتعمليه باذن ربنا ورح تبذلي قصارى جهدك وما رح يهزك اشي صدقيني وما تبالغي بعطائك للناس ولو حد غلط معك الحق عليه هو مش انت السبب هو خسرك وما عرف كيف يحافظ عليك وما تتسرعي بالحكم ع الاشخاص وابعدي عن الالفاظ السوقية كوني رسمية مع الكل ونصيحة من اعماق قلبي اشتغلي على كل جانب من جوانبك النفسية من اليوم مش تحكي بكره او بعده او بعد العطلة ببلش اكتبي كل الصفات السيئة اللي ما بتحبيها فيك وبدك تحسنيها واشتغلي عليها وحدة وحدة لانه الموضوع بخصك انت وبخص راحة بالك ومش اي حد مهتم فيك وبصفاتك واتركي قصص الزواج والحماوات والتطرق لهاي المواضيع لوقتها وما تفكري بالموضوع لبعد ال 25 لانه لسا عندك حياة بالطول والعرض لتعيشيها ان ربنا اعطاكي عمر وابعدي عن الاباحية وقلة الادب قدر المستطاع ,الجوال اذا كان بهالمرحلة العمرية حده اكثر من ساعتين ونص رح يكون خراب عليك وحياتك رح تدمر ولا رح تقدمي ولا رح تضلك مكانك رح تضلك ترجعي ميلات للخلف حابة مش بس انصح حالي انصح بناتي بهالتجارب وكل فترة اكتب عشان اريح حالي واهدى لانه الموضوع مش مستاهل وكمان نقطة اعملي جداول معقولة لنفسك يوميا واسبوعيا على مستوى للانجاز عشان ما تحسي باحباط وتكملي وتعملي قائمة للانجازات , متحمسة جدددا للموضوع وحابة احكيلك كمان هالكلمات بعد عيد ميلادك ال 16 , بما انه خلصتي ال 16 والرسالة حتوصلك ع الساعة 12 كل عام وانت الخير كله كل عام وانت البنت القوية المعتمدة على حالها وعلى ربها وكل عام وانت الصامدة في وجه الصعوبات والنكدة ولازم نشتغل ع الموضوع كل عام وانت المذوقة والمنسقة كل عام وانت القارئة والباحثة في جميع المواضيع في كل زمان ومكان والعقل المدبر كل عام وانت البشوشة الطيبة الذكية واللي دائما ثقتك بحالك عميقة وحبك لحالك لا يوصف بدون تكبر اكيد كل عام وانت الرشيقة والحكيمة والمخيرة لجميع المواقف الصعبة وصاحبة القرار والاعتماد على النفس والمحبوبة لجميع خلق ربنا ام رموش طوال وكثاف وعينين صغار نوعا ما وخدود ومنخار مستقيم وحبيبة البلد وناسها حبيبة الاقصى واسواقها كل شبر فيها بحب البلد ومستعدة تفديها بروحها وام شعر ويفي ودمعتها على خدها مهما حاولت, والطباخة الماهرة حابة احكيلك اني بحبك بكل حالاتك ولو كنت بتكرهي بعض الامور وبحب كميف عم بتحاولي انك تنظمي حياتك رغم الخراب اللي حواليك ورغم الحرب والبيئة العاطلة والاهل المحبطين فخورة فيك لابعد الحدود وواثقة انك شخص طموح وبتستاهلي يكون عندك دفتر بس لانجازاتك كاملة , لا تنسي كتب القضية وتجارب الاسرى وحياتهم اللي نفسك فيهم وما تحاولي انك تضيعي وقتك على اشياء تافهة يوميا الا لو اخدتيها كتسلاي مرة بالاسبوع , حمساويتي المفضلة وسياسيتي القديرة اللي شاغلها اقصاها وضواحيه وشعبها بحبك كحبك للسنوار وابا العبد والضيف والعاروري والقيادات معا وفوقهم للساعات الي قضاها معتصم بالله في الزنزانة صحيح *معتصم سر في قلبك لحد ما ياخد ربنا امانتك* من اليوم. في رعاية الله, سنينك كلها سعادة وامل وانجازات 22/2/2025 طولكرم يو الاقتحام ال 27 على التوالي *في حفظ الله الاقصى والوطن وانت وقلبك*