A letter from January 6th, 2021

Dear my future, انا اسمي فلة او بالاحرى اسمي الحقيقي هو صديقة . حالياً وبهاد الوقت عمري 20سنة بس بدفتر العائلة لسا ما صرت 20 يعني هلق عمري الحقيقي هو 19بعد شي 14يوم بصير عشرين عند الحكومة الاوربية. انا هلق عايشة بألمانيا وتحديداً بمنطقة Hüttigweiler. ما بعرف ليش عم احكي هدول التفاصيل يمكن لانو انا حدا كتير بهتم بالتفاصيل والشغلات الصغيرة.حالياً قاعدة وعم اسمع غنية يونانية ل نيكوس اكيد رح اتذكرها بعد كم سنة لانو كتير بحبها لهي الغنية . هلق بلشت غنيتي المفضلة يلي بتذكرني بكتير شغلات حلوة لدلودوغان . انا بهي الفترة انسانة كتير هادية كتير عم واجه صعوبات بحياتي بس رغم هيك بحمد ربي وبحب الشي يلي عم يصير معي . كتير وقعت وفشلت لحتى وصلت لهي المرحلة. حالياً انا صف حادي عشر بمدرسة Gymnasium ماني مصدقة ايمت خلص البكلوريا وبلشت حياة الجامعة لحتى اعرف الشي يلي رح ادرسو. كتير بحب ادرس علم النفس بس ما بعرف اذا عنجد رح ادرسو وبنفس الوقت مهتمة كتير بالهندسة. بتعرفي انو من كم يوم اكتشفت انو حابة مجال الهندسة الطبية او المعلوماتية بس بنفس الوقت لسا مو اخدة قرار. هلق نفسيتي تعبانة وعم حاول صلح هالشي فيني لحتى اقدر كون قد الحياة وواجه كلشي حتى لو صعب. الحب الاول عالق بعقلي بس اكيد لوقت ما اقرأ هالشي رح يكون ذكرى وانسى كلشي. هل عجب رح فوت عالجامعة وجيب معدل منيح بالبكلوريا؟ هل رح كون مع اهلي ولا لحالي او مع شخص تاني ؟ هل رح تكون صحتي منيحة؟ هلق رح وصل للجسم يلي عم حاول اوصلو؟ رح يبقى شعري طويل او قصير؟ رح شوف بهارين ؟ رح شوف بريڤان، ڤيندا، ڤيان، ارشين، هيڤا و روجا ؟ رح اقدر شوف جين؟ رح كون مبسوطة ومتغيرة نفسياً؟ رح سافر على دول تانية؟ رح كون متقنة اللغة الانكليزية يلي خلتني عيش فترة كتير بشعة كرمالها ؟ رح اخد الجنسية او الاقامة المفتوحة؟ كلشي بتمناه انو اهلي وكل الناس يلي بحبهم يكون بخير وكون انت بخير لحتى اقدر عيش حياة حلوة. وبتمنى اني اقدر حقق كتير شغلات حلوة بحياتي لحتى ما تكون حياة مملة بالنسبة الي. واخر الشي بحب قول لستي انو بحبها كتير ويطول بعمرها وستي المتوفية يحبك كتير ومشتقتلك. بعد ما اقرأ هالرسالة رح يكون عمري 24 وعم استنى الشهر التامن لحتى صير 25. عم اكبر ويكبرو معي طموحاتي واحلامي. واكيد ما رح انسى المدير وانسة فراو بيكا يلي خلوني وصل لهي المرحلة وانا بفضل دعمهم والفرص يلي عطوني ياها هون وبعد ما اقرأ هالرسالة رح حاول اهديهم شي. بالنهاية رح حب حالي وكلشي حولي وكل الناس ولتبقى الانسانية 💙 نلتقي في 2025 يا انا