دحوم💗.

Dear FutureMe, دحومي .. كذا بدرعم عليك بالأيميل بدون سلام .. مو عارفه إذا انته بتجيك هالرسالة وانا لسه معاك أو لا ؟ دحوم دايماً يقولون "الغرباء ماينفعون يصيرون قريبين " ويمكن هالكلام ما قلته لك بتويتر بس بما انو هالأيميل جمعنا برساله مني ومنك اقول: انو "الحمدلله" ان الصُدف جمعتني بغريب مثلك والله مو مجامله لك أبداً لكن شخصيتك جميله جداً حافظ عليها وعلى نفسك وخلك نفس ما انته لانك تنحب بهالشخصيه وبهالاسلوب.. وتتذكر لمن كنت اقولك ما تعرف تواسي؟! لا وربي ماكنت صادقه كان ذيك الفترة اللي تعرفت عليها فيك مريت بمواقف ممكن اهلي كانوا بعيدين عني فيها لكن يشهد الله كلامك كان يطمني رغم أنك غريب ولاعرفك ولاتعرفني إلا بأسم "نوره وعبدالرحمن" وما انسى كلامك لي لمن تعبت بعيوني رغم اني كنت شايله هم وانا بالمستشفى لكن كنت افتح رسائلك وانا بالأنتظار الساعه ٤ الفج وقرأها ولمن تقول لي وانا طالعه من المستشفى :( بتصير موضه وبيجي العيد وبتروح ) وربي يوم جتني هالرسالة منك كنت وقتها طفشانه ومهمومه من عيوني بس يوم قرأتها ضحكت وربي ونسيت وجع عيوني " ممكن موقف صغير بس انا ماراح انساه منك ... الله يسعدك دحوم والله أنو اتمنى لك كل خير والحمد لله انو الله جمعني فيك "كغريب صدفه" رغم ماكملت وانا متعرفه عليك فهاليوم إلا اسبوعين تقريباً بس كسبت حيز عندي للأمانه ويشهد الله مو مجامله " اسلوبك كلامك مواساتك اهتمامك رسايلك " ترا كان يعني لي كثير بهذيك الأيام .. لاتقرا هالكلام وتنصدم 😢 !! بس ترا انا ما انسى اي شخص يسوي لي معروف او يبسط خاطري لو بحرف وانته كنت من ضمنهم .. وماراح انساك ولا انساها ♥️ ان شاء الله تقرأ هالرسالة وانته مبسوط وطيب الف وخاطرك بخير وسنة جديده عليك وايامك الجايه يادحوم أفضل ويحقق لك ربي اللي تتمناه بحياتك كلها ويسعدك سعاده تغنيك عن كل شيء بالدنيا 💗💗 عموماً تراني انا انسانه هالمواقف وهالاشياء تأثر فيني أقسم وتراني اكتب وماسكه الغصه قسماً بالله لأنو افكر لكن بتجيك هالرسالة كيف بتكون احوالنا ولسه متواصلين او لا عموماً هالاشياء تاثر فيني مره ( تبكي ترا ) الله يخلي لك لماماتك واخواتك واخوانك ويحفظ لهم هالدحوم 💜. يلا عيوني انتبه وحافظ على نفسك قبل كل شيء وخلك مبسوط دايماً ولا تتكدر من أي شيء بالدنيا لان مافي شيء يستاهل ضيقتك .. وخلك زي الفل مع اهلك ومع الناس كلهم عشان يذكرونك بالخير وانتبه لدراستك ومستقبلك وأمك ♥️. واخر وصيه ( لاعاد تأكل بندول نايت ) سمععت !🤦🏻‍♀️ وانتبه لكليتك ☹️. واستودعتك الله عيوني الله الذي لاتضيع ودائعه ♥️♥️. نوره الغامدي.