A letter from July 20th, 2017

Dear future me, اليوم انت عايش وسط زحام في نفسك، ليش نزلت معدلك ل٤.٨، تحب maisie williams ووحدة تانية في الجامعة ومنت عارف كيف تقدر توصل للاتنين عشان عالاقل تعرف هما ينفعولك ولا لا، لا ننسى انه انت مرة مقهور انه maisie عندها خوي، وهدا غير البنت اللي تحبك وانت ما تطيقها، واحد من اهدافك كان انك ترفع المعدل. وهدف تاني انك تنحف وتزبط جسمك. اليوم انا مرة اغار، من ناس كتير، احب انتقم من اي واحد يغلط عليا ولو بشي بسيط، واعيش مقهووور من الشي دا طول عمري لو ما انتقمت منه. اليوم انت تكره عمة سمر، وعمة سماح، اللي للأسف فيه شي داخل نفسك تجاهها لكنك كاتمة من مدة. اليوم انت تعاني مع العادة السرية وتبغى تبطلها، لكن منت قدر. انت اللي دايما تحاول ترضي جدتك وجدك وامك وابوك، واخوانك دايما عندهم مشاكل مع ابوك. تكره الزواج، او تقول للناس انك تكره الزواج، لكن ما اتوقع، انت تحب الزواج وتكره انك منت قادر توصل لحبيبتك وفارسة احلامك. خليني افكرك بدا اليوم اللي كتبت فيه الرسالة. كنت يومها في النادي مع carlo booysen. وفي الليل شفت صور العيلة القديمة مع ستو فتحية الله يحفظها. شفت صورة جدينك وقلت ف نفسك I wish things went as it looks in this picture. اليوم اللي بعده كان حفلة لسيرين وسووا مبشور، وشفت دبروم وابو سفر وعلي محرق. اليوم انت في بداية خطوات انك تزبط جسمك وتخفف وزنك وتوقف العادة السرية. لسا ما تصلي؟ لسا قلبك مرة ما يقدر يستحمل الصلاة بعد رمضان؟ لدي الدرجة نفسك ضعيقة؟ اليوم انت تكره شخصيتك. تحس انك كريه وبتحاول تحسن من نفسك بس منت قادر. اليوم شخصيتك ضعيفة جدا؛ بدات تشك في دينك بين فترة وفترة، لكنك كل شوية ترجع وتقول الدين هوا الصح. اليوم انت فيه حزازيات بينك وبين ابراهيم. وتغار من ناس كتير. تحب تطبخ وعندك حلم انك تسوي مطعم. تبغى تاخد وظيفة في الصيف لكنك بتتلكع. الوضع ملخبط عندك ومخك مرة مشعتر بس مو مشكلة. اليوم القدس محتلة، وأرسنال من ٢٠٠٤ ما جاب الدوري، الاتحاد من ٢٠٠٩ بيعاني والليكرز فريق تانك. لو اتغير اي شي خلال الفترة دي افتكر دي اللحظة اللي كنت فيعا عالسرير وتتمنى كل اللي فوق يتعدل. الله يسعدك ويكتبلك الخير. ولو كنت متزوج روح بوس راس زوجتك(أو خاطب وخطيبتك. الخ) . عبدالله ٢٠٢٥. دايما افتكر انه فضل ربنا عليك عظيم، وانه بدونه ما وصلت مكانك دا، اليوم انت طبيب، خليك أمين ولا ترضى بالقرش الحرام. Always give your best, always give credits, always thank god. وفي الختام، سبحانك اللهم وبحمدك أشهد ألا إله إلا أنت أستغفرك وأتوب إليك