A letter from Jan 17, 2025

Hi My Everything, Una sa lahat, happy birthday. By the time na mabasa mo ‘to, baka matagal na tayong hindi nagkakausap, pero gusto ko lang malaman mo na sa kabila ng lahat, mahal pa rin kita. Ang dami nating pinagdaanan, ‘di ba? Lahat ng moments natin—yung mga ngiti, iyak, away, at saya—hinding-hindi mawawala sa puso ko. Ikaw pa rin yung "everything" ko. At kahit wala na tayo ngayon, umaasa pa rin ako. Umaasa ako na balang araw, babalikan mo ako, pipiliin mo ako, at mamahalin ulit ako. Pero kung dumating man yung panahon na hindi talaga tayo para sa isa’t isa, huwag mong kalimutang tuparin ang huling pabor ko, ha? Please name your first daughter "Luna." Sa paraang ‘yon, kahit wala na ako sa buhay mo, alam kong may bahagi pa rin ako na laging nasa tabi mo. Si Luna ang magiging proxy ko—ang magpapaalala sa’yo ng pagmamahal na binigay ko. Sana masaya ka na ngayon. Sana natagpuan mo na yung hinahanap mo. Pero sana rin, balang araw, hanapin mo ulit ako. Sana panindigan mo ako. Sana mahalin mo ulit ako. Maraming salamat sa lahat ng alaala, sa lahat ng pagmamahal, at sa lahat ng sandaling ikaw ang mundo ko. Hinding-hindi ko malilimutan ang lahat ng ‘yon. Maligayang kaarawan ulit. Mahal na mahal kita, kahit hanggang ngayon. Your ex wifey, Soliman