A letter from November 12th, 2020

Dear FutureMe, بكتب بالعربي عشان اوصف كل الي احس فيه حاليا ابي اعرف لما اقراها منجد الحياه صارت احسن وانتي بينك وبين نفسك صرتي احسن ؟ صارت الحياه طبيعيه بعينك فيها فرح وفيها زعل. وكل شي تحسين فيه حولك لقيتي الامان جوا رجعتي تسوين الاشياء الي تحبينها وتتحمسين تسوين اشياء تبينها التاريخ اليوم 2020/11/12 سنه كورونا والحجر اثقل وابشع سنه عشتها داخليا مع نفسي فيني اكتئاب شبه حاد خسرت وزن ما احس بطعم الحياه اول بالاصح مستثقلتها ابي احس بالواقع ابي اعيش يومي عادي اكون فعلا حاسه فيه فيني شعور عجز واحس بوحده تقتل مع ان في ناس حولي كثير ما احس بالانتماء لولا شي حتى نفسي بالاصح ما احس اني انا،مره استنكر ذاتي لدرجه اسوي اشياء وتصير لي اشياء ما ادري وقتها انا مين، ابي افهم متى الحياه فجئه كذا صارت معقده والمشكله الاكبر اني اعرف ان الحياه ما تسوى وان كل شي يعدي بس مرت فتره طويله الحين بتكمل سنه انتظر شي يشيلني من هذا كله وانا اعرف ان بيدي اقدر اغيره بس مدري ليش عاجزه حتى تخصصي مدري كيف بكمل فيه افكر احول واغيره احس انه مو مكاني بس انا حاليا بنقطه عما مدري اذا اكمل فيه وبنجح ولا بيكون تضييع وقت احس بشي من الضياع مو قاعده اهتم بالجامعه ولا الدراسه ما في محفز داخلي كل همي اكمل يومي بدون افكار تسبب لي شعور شين واذا صارت اشياء تبسط ما احس بطعم الفرح وطعم الاشياء البسيطه ابي شعور اني اكتفي بنفسي ابي القاها ما ابي احس بالضياع هذا حتى الرسم ما صرت ارسم الوقت يمشي كاني انتظر شي وانا ما في شي انتظره وادري ما شفت من الدنيا شي ولا صار لي شي قوي بس الي اعرفه ان الي احس فيه موجود نور تعبت و مدري شقولك بس ابي تضميني الحين